STUBB

Stubb, skrevet av Jakob Sande

------------------------

Eg vil gifta meg med Brita i Bu

som har bruksrett til Britebu plass

og har verpande høns og ei ku,

og ei dunseng med dubbel madrass

Og forsona med livet og lat,

skal eg dra meg på dunstopa bol,

og få heimekokt britebumat,

til eg skin som ei nysprotta sol

---

Nei, eg vil gifte meg med Lisa i Li,

som har krambu med snop i kvar krå,

og har part i eit stort bakeri

fullt av kringler med strøsukker på

Og forproppa i magen og stinn

skal eg sitje på krambua støtt,

og ta for meg som likast eg vinn

utav alt som er surligt og søtt

---

Nei, eg vil gifta meg med Dorta i Deld,

som har strikkemaskin og gitar,

og syng songen om Sion kvar kveld,

og er mor til ein gutt utan far

Og til tonar av åndelig spel

skal eg strekkje meg, stokkande stiv.

og klarere mi syndige sjel

for det sokalla kommande liv

---

Nei eg vil gifte meg med alle ihop

og gå klar både hunger og frost,

leve gratis på kringler og snop,

få meg sokkar av seigaste sort,

og på kjøpet bli reinspikka far,

for til slutt å gå lukkele bort

etter tonar av Dortas gitar

Jackob Sande

Hjem